Ресейге
жалға берiлген Ембi сынақ полигоны Қазақстанға қайтарылатын болды. Сенат тиісті
заң жобасын қабылдады. Полигон аумағы пайдалануға толықтай жарамды күйінде
қайтарылған.
Қорғаныс
вице-министрі Оқас Сапаровтың айтуынша, Ресей Федерациясына Қазақстан тарапынан
ешқандай шағым жоқ. Мұнда негізінен зерттеу жұмыстары мен оқу-жаттығу шаралары
жүргiзiлген. Ал қолданылған қару-жарақтарға қатты отын пайдаланылған көрінеді.
Олардың келтiретiн қауiп-қатерi мен зияны өте төмен, полигон аумағындағы
топыраққа жүргізілген зерттеу нормадан тыс нәтиже көрсеткен жоқ,- деді
вице-министр.
Оқас
Сапаров, ҚР Қорғаныс вице-министрі:
Полигонның
жер учаскілері әрі қарай пайдалану үшін жарамды түрде қайтарылады. Ресей
тарапына полигонды қолдану бойынша тиісті міндеттерді орындауда ешқандай
шағымдар жоқ. Полигонды жалдаудан шығару аймақтық экономикалық дамуға тиімді
әсер етеді.
