Қызылжар
өңіріндегі баспаналары суға кеткендерге павлодарлықтар қаржы жинап, қажетті
құрылыс материалдарын сатып алған. Жұрт
үй-жайларынан айырылғандарға қаржылай да көмек көрсетіп жатыр.
Ал бүгін
гуманитарлық жүк тиелген көлік жолға шықты. Қайырымдылық акциясына «Нұр Отан»
партиясы ұйтқы болды. Игі шараға өңірдің барлық қала-аудан әкімдіктері,
қоғамдық бірлестіктер мен қарапайым бұқара атсалысқан. Ұйымдастырушылардың
айтуынша, көмек көрсеткісі келгендер киім-кешек, азық-түлік, тұрмыстық
техникадан бастап, ақшалай да берген. Қайырымдылық акциясына облыс орталығының
тұрғындары ерекше белсенділік танытты,-дейді ұйымдастырушылар. Солтүстік
Қазақстан өңіріне Павлодардан 100 тоннадан астам жүк жіберілген.
Гүлнәр
Исақанова, «Қызыл ай» қоғамының ПОФ директоры:
«Қызыл
ай» қоғамының басты бағыты - төтенше жағдайлар болса, шұғыл әрекет ету болып
табылады. Сондықтан біз бұл қайырымдылық акциясының басы-қасында болдық.
Асарлап жиналған қаражатқа бірінші тұтыну тауарлары мен тұрмыстық қажеттіліктер
сатып алынды.
Жұлдыз
Тәйкебаева, «Нұр Отан» партиясының ПОФ төрағасының орынбасары:
Бүгінгі
сәтті пайдаланып, барлық Павлодар облысының азаматтарына, ұйымдарына,
ұжымдарына алғыс білдіргіміз келеді. Өйткені жұмыла көтерген жүк жеңіл,- деп
айтады біздің қазақта.
