Қаланың коммуналдық қызметтері тәулік бойы жұмыс істейді
Алматы қаласында 25 қыркүйекте түнгі уақыттан 27 қыркүйек түске дейін жаңбыр жауады, аракідік нөсер жаңбыр жауып, жел күшейеді, деп хабарлайды Аlmaty.tv қалалық коммуналдық инфрақұрылымды дамыту басқармасына сілтеме жасап.
Ауа райының қолайсыздығына байланысты коммуналдық инфрақұрылымды дамыту басқармасы азаматтардың қауіпсіздігі мен жайлы тұруын қамтамасыз ету үшін қабылданған шаралар туралы хабарлайды.
«Су кедергісіз ағып кетуі үшін күндізгі уақытта оңтүстіктен солтүстікке қарай орналасқан меридиандық арық желілері кездейсоқ қоқыстардан қайталап тазартылды. Бұл жұмысқа 82 бірлік арнайы техника және 310 жұмысшы жұмылдырылды», - делінген хабарламада.
Проблемалық учаскелерде су тасқынының алдын алу және жою үшін мотопомпалармен, багрлермен және басқа да шанц құралдарымен жабдықталған 46 жедел мобильді бригада кезекшілікке шығады. 2,6 мың қап құм қамтамасыз етілді.
25-інен 26-сына қараған түні 311 арнайы техника, 28 мотопомпа және 340 жұмысшы жұмылдырылады. Таңертеңнен бастап 457 арнайы техника, 28 мотопомпа және 754 адам жұмысқа шығады деп жоспарлануда.
«Ауа райының бұзылуына байланысты қала тұрғындары мен қонақтарына тауға бармауға кеңес беріледі. Жүргізушілерге ағаштардың құлау қаупі мен электр желілерінің үзілуіне байланысты көліктерді жол жиегіне қоюға кеңес берілмейді», - делінген хабарламада.
Сондай-ақ су басуды болдырмау үшін қала тұрғындарынан арықтарды, нөсер ағындары мен каналдарды қоқыспен бітеп тастамауды сұрайды. Құқық бұзушылар ҚР ӘҚБтК-нің 505-бабы бойынша «қалалар мен елді мекендердің аумақтарын абаттандыру қағидаларын бұзу, сондай-ақ инфрақұрылым нысандарын бұзу, қала мен елді мекендердің жасыл желектерін жою және зақымдау» бойынша әкімшілік жауапкершілікке тартылады.
