Шанхай супермаркеттерінің бірінде пышақ ұстаған ер адам үш адамды өлтіріп, 15 адамды жарақаттаған. Бұл туралы RFA хабарлады.
Агенттіктің хабарлауынша, оқиға орнына келген полиция 37 жастағы күдіктіні ұстаған, деп жазады inbusiness.kz сайты.
Алдын ала тергеуден кейін күдікті жеке қаржылық мәселелерге байланысты супермаркетке сауда жасауға келген адамдардан өш алғысы келіп, шабуыл жасағаны анықталды.
Шабуылдаушы барлығы 18 адамды жарақаттады, олардың үшеуі кейінірек ауруханада қайтыс болды.
Полиция бұл істі тергеуді жалғастыруда.
