Шымкентте «Пайызсыз баспана» деген пирамида құрған адам мен оның қызметкерлері сотталды, деп хабарлайды Azattyq Rýhy.
Пирамиданың мүшелері Шымкент, Алматы, Астана қалаларында 2019-2021 жылдары аралығында «Инстаграм» әлеуметтік желісі арқылы арзан үй алып береміз деп, адамдардан ақша тартқан.
«Шымкент қаласының қылмыстық істер жөніндегі ауданаралық соты қаржы пирамидасын құрып, оған басшылық еткен «Пайызсыз Баспана» тұрғын үй ұйымының басшысы мен қызметкерлерін 3 жылдан 6 жылға дейінгі мерзімге бас бостандығынан айырды. Қылмыстық схемаға сәйкес, олар 134 адамнан 171 млн теңгеден астам ақша жинап алған», - деп жазады Шымкент прокуратурасы.
Сот үкімі заңды күшіне енген жоқ.
