Алматы облысы Қарасай ауданына қарасты Кемертоған ауылында 15 жастағы оқушыдан қатарластары ақша бопсалаған. Бұл оқиғадан кейін мектеп директоры қызметінен босатылды, деп хабарлайды inbusiness.kz сайты.
Алматы облысы әкімдігінің баспасөз қызметі мектеп директоры Дархан Накысбеков қызметінен кеткенін растады. Ақпаратқа сәйкес, мектеп басшысы өзінің өтініші негізінде жұмыстан босатылған.
