Қарағанды облысының Саран қаласына әлі күнге дейін жылу берілмеген. Саран қаласының әкімі Еркін Баулықов аталған мәселеге қатысты бейнеүндеу жолдады, деп хабарлайды Astana TV.
«Қазіргі таңда бір қазандық жұмыс істеп тұр. Температура көтеріліп жатыр. Қазір жылу пунктінің орталық желілерінде көрсеткіш 50-ге жетті. Жақын арада бұл жылу үйлерге де жетеді. Өкінішке қарай, бізде жаңа қазандық, ол біртіндеп жылынады. Барлық қажетті жұмыстар жүргізіліп жатыр», - деді қала әкімі.
Әкім қолайсыздық үшін тұрғындардан кешірім сұрап, жақын арада пәтерлерге жылу беріледі деп сендірді.
