Алынған психотроптық заттың жалпы салмағы 560 грамнан асады, бұл аса ірі көлемге жатады.
Көліктегі полиция департаментінің қызметкерлері Қостанай облысының 18 жастағы тумасынан аса ірі көлемдегі синтетикалық есірткіні тәркіледі, деп хабарлады turkystan.kz.
Ол Ақтөбе – 1 – Жіңішке өткеліндегі темір жол бойында ұсталды. Көлік полицейлері жеке тінту кезінде оның әмиянынан дозаларға бөлінген ұнтақ тәріздес зат салынған 51 буманы тауып, тәркіледі.
Сонымен қатар, ұсталған азаматтың мекен-жайын тінту кезінде дозаларға бөлінген мефедрон ұнтақ тәріздес психотроптық зат салынған бума табылып, тәркіленді.
Алынған психотроптық заттың жалпы салмағы 560 грамнан асады, бұл аса ірі көлемге жатады.
Қазіргі уақытта аталған факт бойынша сотқа дейінгі тергеу жүргізіліп жатыр.
