Қарағандыда 2 жасар сәбиін далаға тастап,
кейін денесін пешке жағып жіберген әйел 6 жылға, ал сыбайласы 23 жылға бас
бостандығынан айырылды. Қылмыстық істер бойынша мамандандырылған ауданаралық
сот осындай үкім шығарды.
Исламхан
Есенбаев, Қарағанды қалалық қылмыстық
істер бойынша мамандандырылған
ауданаралық сотының судьясы:
Сот
Зеленый Владимирді Қылмыстық кодекстің 99 -ыншы және 188-інші баптарының 2-інші
бөлімдеріне сәйкес кінәлі деп таныды. 23 жылға бас бостандығынан айырады. Ол
жазасын ерекше режимдегі түзету мекемесінде өтейді.
Ал, туған перзентін өлтіріп, қылмысты жасырған Ильяна Драган «Қылмыс туралы
хабарламау» бабымен айыпталып, 6 жыл арқалады. Судья оның жеңіл жаза алуын
сотқа дейінгі тергеу органдары жұмысының шалағайлығынан деді. Айтуынша, тергеп,
тексеру жұмыстары үстірт жүргізілген. Салдарынан Ильяна Драганның «баланы
өлтіруге көмектескені» ашылмай қалған. Судья бұл мәселеге назар аударуды сұрап,
прокуратура мен аймақтық ІІД-нің бастығына екі бірдей қаулы жолдады.
Еске
салсақ, Ильяна Драган өткен жылы ақпанда 2 жасар қызын иен далаға тастап
кеткен. Келесі күні үсіп қалған баланың денесін азаматтық некедегі күйеуімен
бірге пешке жағып жіберген.
Айжан
ҚУАШ
