Әнші Қайрат Нұртастың жұбайы, актриса Жұлдыз Әбдікәрімова Түркістан облысындағы түп нағашыларының ауылы Қаражонға балаларын ертіп апарды, деп хабарлайды Azattyq Rýhy.
Ол өз балаларын кішкентай кезінде баққан әжесінің бейітінің басына барды.
«Алауыма қырық күн қарап, бесікке салып, ақылын айтқан әжеміз. Талай даналық көрдім өзінен. Бұл кісінің жанында өткен әр күн, әр сәт өмірлік сабақ еді. Әр істің алдында айтатын сөздері, жасайтын әрекеті, оқитын дұғасы сол кездері қызық көрінетін. Қазір өзім дәл солай жасайтын болыппын. Ырымшыл, тыйымшыл болыппын. Бәлкім, өз қыздарым бой жете бастағаннан болар?!» - деп жазды Жұлдыз Әбдікәрімова.
