Алматы облысында Lada Largus көлігі ағашқа соғылып,бір адам мерт болды, деп хабарлайды KAZINFORM.
Алматы облыстық Полиция департаментінің дерегінше, жол апаты 28 қазан күні Еңбекшіқазақ ауданы Ақтоғай ауылының маңындағы Алматы – Көкпек – Көктал автожолының 51-ші шақырымында болған.
«Lada Largus» жүргізушісі рөлді басқара алмай, ағашқа соғылды. Жол апаты салдарынан 40 жастағы жолаушы әйел сол жерде көз жұмды. Жүргізуші мен екі жолаушы әртүрлі дене жарақаттарымен жақын маңдағы ауруханаға жеткізілді»,- деп хабарлады полициядан.
Тәртіп сақшылары жүргізушілерді жол қауіпсіздігі талаптарын бұзбауға және жол ережелерін қатаң сақтауға шақырды.
