Қостанай облысы Амангелді ауылында Мәдениет үйінің аумағындағы қазандық жарылып, ғимарат опырылып құлады. Құтқарушылар үйінді астынан 1969 жылы туған ер адамды алып шыққан. Ол жедел жәрдем қызметімен ауруханаға жеткізілді. Зардап шеккен азаматқа көмек көрсету үшін санитарлық авиация арқылы анестезиологтар бригадасы жіберілді. Оқиға орнында Төтенше жағдайлар департаментінің қызметкерлері, полиция және жергілікті атқарушы органдар жұмыс істеп жатыр. Айта кетейік, қазандық 2022 жылы орнатылған. Ол екі қабатты үш тұрғын үйді, сот, мұражай және мәдениет үйін жылумен қамтамасыз еткен. Мамандардың айтуынша, тұрғын үйлерге бір тәулік ішінде жылу беріледі. Ол үшін контейнерлік типтегі блок-модульдік қазандық қолданылады.
