"Медицина саласы бойынша бірқатар проблемаларды қосымша қаражат бөлу арқылы шештік". Мәжіліс депутаты Асхат Аймағамбетов осылай дейді. Ол бюджет жобасында онкологияға 20 млрд, онкогематологияға 5 млрд теңге қосымша қаржы бөлінгенін айтты. Онсызда сырқаттың ең қиын түрімен қиналып жатқандарды ем-домынан айыру адамгершілікке жатпасы анық. Осыны меңзеген депутат әр пациент азапсыз өмірден өтуге құқылы екенін айтты.
АСХАТ АЙМАҒАМБЕТОВ, ҚР ПАРЛАМЕНТІ МӘЖІЛІСІНІҢ ДЕПУТАТЫ, "AMANAT" ФРАКЦИЯСЫНЫҢ МҮШЕСІ:
Онсызда қиналып жатқан емі жоқ аурулардан зардап шеккен адамдарды осындай көмектен айыруымызды дұрыс емес еді. Осыған байланысты комитетімізден онкологияны емдеу, геодиалез және паллиативті көмекке қосымша 38 млрд қаражат бөлу бойынша жұмысты атқардық. Бұған қоса, жаңа онкологиялық орталықта протон терапиясына 4,2 млрд теңге қажет болды. Бұл мәселе де шешілді.
Денсаулық сақтау вице-министрі Ержан Нұрлыбаев дәрі-дәрмек алуға өтінім диспансерлік есепте тұрған науқастардың тізіміне қарай қалыптасатынын айтады. Сондықтан жаңа пациенттердің келуіне байланысты қосымша препараттарға өтінім қалдыру керек.
ЕРЖАН НҰРЛЫБАЕВ, ҚР ДЕНСАУЛЫҚ САҚТАУ ВИЦЕ-МИНИСТРІ:
Әр пациентке ем-домның персоналды тәжірибесі қолданылады. Сондықтан бір емдеу ұйымына дәрі-дәрмектің қажеттісін алдын ала айқындау мүмкін емес. Сол себепті дәрі-дәрмекті қосымша әзірлеп, оны бір диспансерден екіншісіне көшіру тәжірибесі қолданылады. Бұл нәтиже береді деген сенімдеміз.
