Астанада жолаушылар мінген екі автобус соқтығысты. Салдарынан 2 адам зардап шекті. Жол-көлік оқиғасының бейнежазбалары әлеуметтік желіде тарады. Алдын ала мәлімет бойынша апатқа көктайғақ себеп болған. Зардап шеккендердің бірі – кәмелетке толмаған бала. Олар дереу ауруханаға жеткізілді. Оқиғаның мән-жайын полиция анықтап жатыр.
АСТАНА ҚАЛАЛЫҚ ПД БАСПАСӨЗ ҚЫЗМЕТІ:
Тұран даңғылынан Сығанақ көшесімен келе жатқан Higer жолаушылар автобусының жүргізушісі жол және метеорологиялық жағдайды ескермей, аялдамаға тоқтап, маршруттық автобуспен соқтығысуға жол берген. Жол апаты салдарынан 2 жолаушы зардап шекті. Медициналық тексерудің қорытындысы бойынша процессуалдық шешімдер қабылданады.
