"Адал ұрпақ азғындыққа қарсы". Осы ұранды ту еткен астаналық оқушылар ерікті мектеп клубтарының слетінде жемқорлық тақырыбын зерттеп, оны ерекше сахналық қойылым түрінде көрсетті.
Слетке қатысушылардың бірі -Айша Қаһар. Оның ойынша, сыбайлас жемқорлық– күллі халыққа жасалған опасыздық.
АЙША ҚАҺАР, ҚАТЫСУШЫ:
Біздің алып отырғанымыз – пәтер тақырыбы. Бөлінген инвестицияны, яғни қаржыны жымқыру болған. Пәтер салған кезде арзан материалдарды пайдаланып, халық шу шығарып, үлкен дау болады.
Қазылар алқасының құрамында сыбайлас Жемқорлыққа қарсы іс-қимыл департаментінің өкілдері де бар. Олардың айтуынша, бұндай шаралар болашақта оң нәтижесін береді.
ДИАС ҚОЗЫБАЕВ, ҚАЛАЛЫҚ СЫБАЙЛАС ЖЕМҚОРЛЫҚҚА ҚАРСЫ ІС-ҚИМЫЛ ДЕПАРТАМЕНТІ ПРЕВЕНЦИЯ БАСҚАРМАСЫ БАСШЫСЫНЫҢ ОРЫНБАСАРЫ:
Слеттан кейін біз түрлі іс-шаралар өткіземіз. Сол шараларда, осы слеттың арқасында деп ойлаймын, атсалысып, көбірек қызығушылық таныта бастады.
Астана қалалық әкімдігі ұйымдастырған шарада оқушылар ерекше белсенді. Әр оқу ордасында «Адал ұрпақ» ерікті мектеп клубтары құрылған.
АЙДАНА ҚАМЗАЕВА, ҚАЛАЛЫҚ ІШКІ САЯСАТ БАСҚАРМАСЫ ҮКІМЕТТІК ЕМЕС СЕКТОРМЕН ЖҰМЫС БӨЛІМІНІҢ БАСШЫСЫ:
Оқушылар өз іштерінде де көптеген шаралар ұйымдастырып, құрдастарының арасында сыбайлас жемқорлыққа төзімділікке жол бермеу идеясын таратты. Соның арқасында биыл, қытсуға ниет білдірушілер өте көп болды.
Жарыс қорытындысы бойынша қатысушылар қаржылай сыйлықтармен марапатталды.
