Атырауда трактор жүргізушІсі жаңа салынып жатқан мектепті бұзбақ болды. Оның әрекетін куәгерлер видеоға түсіріп алған. Оқиға қала маңындағы “Көктем” ықшам ауданында орын алған. Жүргізуші 600 орындық орта мектептің құрылысы жүріп жатқан аумақтың қақпасын бұзған. Одан бөлек Chevrolet Onix автокөлін аударып тастаған. Білім беру ғимараты құрылысына тапсырыс беруші құрылыс басқармасы өкілдерінің айтуынша, ол бұл әрекетке әріптесімен ішімдік ішіп, сөзге келе алмай қалғандықтан барған. Полиция оны уақытша ұстау изоляторына қамады. Қазір “Бөтеннің мүлкін қасақана жою немесе бүлдiру” бабымен іс қозғалды.
ДИНА МАҚСОТОВА, ОБЛЫСТЫҚ ПОЛИЦИЯ ДЕПАРТАМЕНТІНІҢ ИНСПЕКТОРЫ:
51 жастағы автокөлік жүргізушінің алькоголдік мас күйде екені анықталып, әкімшілік жауапкершілікке тартылды. Қазіргі уақытта бөтеннің мүлкін қасақана жою не бүлдіру дерегі бойынша қылмыстық іс қозғалып, тергеу амалдары басталды.
