Түркістан облысында жантүршігерлік жол апаты орын алып, салдарынан төрт адам қаза тапты. Бұл туралы Stan.kz ақпарат агенттігі хабарлайды.
Түркістан облысы полиция департаментінің мәліметінше, жеңіл көлік жүргізушісі мен үш жолаушы қаза тапқан.
"ВАЗ көлігінің Volvo жүк көлігімен соқтығысуы салдарынан жүргізуші мен үш жолаушы қаза тапты", – делінген хабарламада.
Құқық қорғау органдары оқиғаның барлық мән-жайын анықтау үшін тергеу жүргізіп жатыр.
