Ақтөбенің Байғанин ауданында "АМАNАТ" партиясының “ Ауыл аманаты” жобасымен 185 кәсіпкер ісін дөңгелетіп отыр. Оның дені мал шарушалығы мен шағын бизнес ашуға бағытталған. Байғанин ауданында 400-ге жуық шаруа қожалығы, 20 шақты өндірістік кооператив, 5 жауапкершілігі шектеулі серіктестік кәсібін жүргізіп отыр. 90 мал шаруашылығы осы «Ауыл аманаты» жобасымен қаржыландырылған. Жалпы өңірде 2701 жоба жүзеге асырылды. Ол мақсатқа 15,1 млрд теңге несие берілді.
АЙБЕК КӨПЕНОВ, БАЙҒАНИН АУДАНЫНЫҢ ӘКІМІ:
Байғанин ауданы бойынша 185 өтінім “ Ауыл аманаты” жобасына тапсырылды. Оның ішінде 15 жылыжай, 15 құс шаруашылығына 69 шағын кәсіп, яғни шағын бизнес ашу және 90 мал шаруашылығына жобалар жалпы суммасы 1 млрд 190 мың теңгеге несие қаржыландырылды.
