Елімізде шығыс медицинасына жүгінетіндер көп. Нәтижесі де жаман емес. Соның ішінде инемен әрі қыздырып емдеу, қан алу, нүктелі массаж секілді емдеу тәсілдері түрленіп жатыр. Шығыс медицинасындағы дәрігерлер дертіне дауа іздеп келген жанның тамырын ұстап, бет-әлпетіне, тіліне, алақанына қарап-ақ, шипасын айна қатесіз табады.
Статистикаға сәйкес, соңғы жылдары елімізде жүрек-қан тамырлары ауруларына шалдығып, дертіне шипа іздейтіндер көбейген. Жылына 40 мыңнан астам қазақстандық инсультпен ауыратын көрінеді. Ең қорқыныштысы, жүрек-қан тамырлары жүйесінің аурулары жастар арасында белең алып кеткен. Бұны шығыс медицинасының білікті маманы Сун Шы Гау да жасырмайды. Айтуынша, қазір инсульт, инфаркт алған науқастар жиі тексеріледі. Айта кетейік, дәрігердің бұл салада жүргеніне 30 жыл болған. Қазір «Arlan medical» медициналық орталығында науқастарды қабылдап жүр.
СУН ШЫ ГАУ, «ARLAN MEDICAL» МЕДИЦИНА ОРТАЛЫҒЫНЫҢ ДӘРІГЕРІ:
Шығыс медицинасының басты артықшылығы – қажетті нүктелерге ине қою арқылы емдеу. Науқастарды қарап, арнайы емдік шараларды көрсету үшін Қытайдан келдім. Дәрілер емдік шөптерден жасалған. Олар адам ағзасына өте пайдалы әрі сырқаттан тез айығуға көмектеседі. Химиялық қоспалармен өндірілген дәрмектерді науқастарға мүлде ұсынбаймыз. Инсульт, инфаркт алған және аутизм секілді диагнозбен келетіндер бар, қазір сондай науқастарды қабылдап жүрмін.
САПАЛБЕК ӘЛДЕШБЕКҰЛЫ, «ARLAN MEDICAL» МЕДИЦИНА ОРТАЛЫҒЫНЫҢ ДӘРІГЕРІ:
Қытай халқында медицина өте дамыған. Бұлардың медицина тарихы 4 мың жылға барады. Масса арқылы, ине арқылы, уқалау арқылы көптеген ауруларды тарқатады. Мәселен, қан қысымнан давлениеден жығылған, ми қан тамыры таусылған, жарым денесі салданған адамдарды масса арқылы, ине арқылы сырқатады.
Ал, гинеколог Айнұр Жанғазықызының айтуынша, шығыс медицинасы бойынша кеңес алатындардың 90 пайызы – балалы бола алмай жүрген азаматтар. «Мұндай жағдайда шөп дәрілер мен иненің тигізер әсері зор» - дейді дәрігер.
АЙНҰР ЖАНҒАЗЫҚЫЗЫ, «ARLAN MEDICAL» МЕДИЦИНА ОРТАЛЫҒЫНЫҢ ДӘРІГЕРІ:
Бізде негізінен шөп дәрілермен емдейміз, бізде шөп дәрілер көп болады. Әйелдерге арналған және ерлерге арналған түрі болады және инемен емдейміз. Тағы да булау арқылы емдейміз.
Шығыс медицина мамандары: «Әр адам қан айналымы жүйесіне ерекше мән беру керек», - дейді. Себебі, қауіпті аурулардың көбі қан айналымының дұрыс жүрмеуінен пайда болатын көрінеді.
