Қызылордалық оқушылар Қорқыт Ата атындағы Қызылорда университетінің грантын жеңіп алды. Оларға мұндай мүмкіндікті «AMANAT» партиясы жанындағы «Жастар Рухы» жастар қанатының Қызылорда облыстық филиалы және «GRAND master» бағдарламалау мектебі сыйлап отыр. Оқушылар арасында «СP Open Cup ІІ» спорттық бағдарламалау олимпиадасы биыл екінші рет өтті. Алгоритмдік есептерді шешуге арналған жарысқа қала және аудан мектептерінен 10-11 сынып оқушылары қатысты. Жеңімпаз командаға университеттің білім гранты табысталды. Өзге қатысушылар да бағалы сыйлықтармен марапатталды.
ӘСЕТХАН БАЙМҰРЗА, «ЖАСТАР РУХЫ» ЖҚ ҚЫЗЫЛОРДА ОБЛЫСТЫҚ ФИЛИАЛЫНЫҢ ТӨРАҒАСЫ:
Облысымыздың барлық аймақтарынан, түкпір түкпірінен 60 команда іріктелініп алынды. Қазіргі таңда осы сайысты республика деңгейіне көтерсек деген ниеттеміз. Ешқандай байланыссыз , есептерді түрлі бағдарламалар арқылы ноутбукпен, компьютерлермен есептерді шығаратын болады.
