Өскеменде инклюзивті қоғамды дамыту мәселелері талқыланды. Шара ерекше қажеттіліктері бар жандар күніне орай орайластырылды. Жиналғандар шешуді қажет ететін проблемаларды талқылап, өңірде қолға алынған табысты жобалармен бөлісті. Бүгінде барлық әлеуметтік-мәдени нысандарға пандустар орнатылған. Облыс бойынша олардың саны 370-ке жетті. Сондай-ақ өңірде жұмыспен қамту бағдарламасы сәтті жүзеге асырылуда. Қазірдің өзінде 547 ерекше жан жұмысқа орналасты.
СВЕТЛАНА КРИВИЦКАЯ, ШҚО МӘСЛИХАТЫНЫҢ ДЕПУТАТЫ, «АМАNАТ» ФРАКЦИЯСЫНЫҢ МҮШЕСІ:
Инклюзивті қоғамды дамыту туралы күнделікті түрлі жобалар қолға алынуда. Біз, әрине, депутаттар ретінде бұл мәселелерден шет қала алмаймыз. Сондай-ақ біздің партиялық жобаларымыз бар. Мұнымен қоса жалпы білім беретін мектептерді, медициналық-әлеуметтік мекемелерді қадағалап, балалардың білім алып, олардың дамуы үшін тиісті жағдай жасалғанын нақты анықтайтын пункттер бар.
