Президент Джо Байден америкалық инфрақұрылым жобаларын қолдайтын Африканың оңтүстігіндегі Ангола еліне барған АҚШ-тың алғашқы президенті болды, деп хабарлайды Kazinform меншікті тілшісі NBC News-ке сілтеме жасап.
Африкаға жасаған алғашқы сапарында Джо Байден ел астанасы Луандада анголалық әріптесі Жуан Лоренсумен екіжақты кездесу өткізуді жоспарлап отыр. Ол сондай-ақ елдің Ұлттық құлдық мұражайында сөз сөйлейді.
Әкімшіліктің жоғары лауазымды қызметкері жұма күні Джо Байден денсаулық пен қауіпсіздік бастамаларын да жариялайтынын хабарлады.
Президент Луандадан Лобито муниципалитетіне дейін шамамен 300 миль қашықтықта ұшуды жоспарлап отыр, онда АҚШ әкімшілігі бағалы пайдалы қазбалардың транзиттік жүйесін жаңарту және кеңейту мақсатында миллиардтаған доллар инвестициялаған теміржол желісінің соңы болған порт орналасқан.
Жобаның мақсаты – «Ангола – Конго Демократиялық Республикасы – Замбия – Танзания» көлік дәлізін құру және Атлант және Үнді мұхиттарын байланыстыру, сондай-ақ электронды құралдар, көлік құралдары және таза энергия технологияларында қолданылатын пайдалы қазбаларға бай және АҚШ-тың Қытаймен бәсекелестігінің басты алаңы болған аймақта америкалық қатысуды кеңейту.
Қытайдың Африкадағы қызметін қадағалайтын «China Global South Project» америкалық коммерциялық емес ұйымының мәліметінше, екі жыл бұрын Қытай Конго Демократиялық Республикасындағы кобальт пен мыс кеніштерінің 72%-ына ие болды.
Бұл туралы kaz.inform.kz жазды.
