Мәжіліс депутаттары Бюджет кодексін екінші оқылымда қабылдады. Өткен апта Мәжілісте бюджет саясаты төңірегінде қызу пікірталас болды. Сол кезде депутаттар айтқан сын-ескертпелердің бәрі кодексте ескерілді, деді Мәжіліс Төрағасы. Әсіресе Ұлттық қор қаражатын нақты мақсаттарға жұмсау жөнінде норма бекітілген. Енді ондағы ақша тек өндіріске немесе елді мекендердің өмірлік маңызы бар инфрақұрылымына жұмсалады. Бұдан бөлек квазимемлекеттік сектордағы дивидент саясаты қайта қаралды. Бұл да көп жылдан бері айтылып жүрген мәселе еді. Құжат Сенат қарауына жіберілді.
ЕРЛАН ҚОШАНОВ, ҚР ПАРЛАМЕНТІ МӘЖІЛІСІНІҢ ТӨРАҒАСЫ, «AMANAT» ПАРТИЯСЫНЫҢ ТӨРАҒАСЫ:
Үкіметтен келген кодекстің жобасына депутаттардың тарапынан өте үлкен концептуалды өзгерістер енгізілді. Әсіресе Ұлттық қор ресурстарын тиімсіз жұмсау мәжеселі жиі көтерілген болатын. Осы орайда Жаңа бюджет кодексінде сол қаражатты нақты мақсаттарға пайдалану жөнінде норма бекітілді. Ел Президенті де бізге осындай тапсырма берген болатын. Енді Ұлттық қор қаражаты тек өндіріске немесе елді-мекендердің өмірлік маңызы бар инфрақұрылымына ғана жұмсалатын болады.
