Тобыл өңірінде "Таза Қазақстан" бастамасы аясында эко-байқаулар ұйымдастырылуда. Игі іс-шараға Қостанай ауданының оқушылары да атсалысты. Балалар шығармашылық үйінде "Істегі пластик" атауымен эко- көрме өтті. Көпшілік назарына қайта өңделген материалдардан жасалған заттар ұсынылды.Жас таланттар пластикалық қалдықтарды қайта өңдеудің маңыздылығын түсіндіруге талпынды. Көрме аясында шеберхана болды.Оқушылар пластикалық бөтелкелерден әртүрлі интерьер бұйымдарын жасауды үйренді.Байқау қорытындысы бойынша үздіктер бағалы сыйлықтармен марапатталды.
МЕРЕЙІМ КӨБЕКОВА, БАЙҚАУҒА ҚАТЫСУШЫ:
Біздің макетіміз толық экологиялық, яғни лақтырып тастаған материалдардан жасалған. Мысалы жұмыртқаның қабығын тастайсыз қоқысқа. Ол бізге қандай пайдасын тигізеді? Сол үшін осы макетті жасауға болады деген мақсатта жасадық.
