Алматыда «AMANAT» партиясының «Кедергісіз келешек» жобасы аясында «Тең мүмкіндіктер»инклюзивті спорт фестивалі өтті. Сайысқа қатысушы 120 оқушы төрт спорт түрі бойынша бақ сынады. Атап айтқанда, бочча, бес асық, асық ату және көңілді старт. Жарыста жүлдеге таласқан ойыншылардың барлығына арнайы сыйлықтар табысталды. «Тең мүмкіндіктер» инклюзиялық спорт фестивалі ерекше қажеттіліктері бар балаларды қоғамға бейімдеп, өз қабілеттерін көрсету мақсатында ұйымдастырылды. «Бұл шара жеткіншектердің таланттарын дамытуға ерекше мүмкіндік»,-дейді қалалық мәслихат депутаты Серік Есматов.
СЕРІК ЕСМАТОВ, ҚАЛАЛЫҚ МӘСЛИХАТ ДЕПУТАТЫ:
Бүгін балалар өздерін жоғары деңгейде көрсетеді деп үміттенемін. Олардың қазіргі жағдайы мен денсаулығы үшін спортпен шұғылдану өте маңызды. Оларға әрдайым қозғалыста болған дұрыс. Бұл олардың физикалық денсаулығына пайдалы әрі мүмкіндіктерін шыңдауға көмектеседі. Өзім аяғымнан айырылғанда, маған спорт қатты көмектесті. Сондықтан бұл фестиваль балалардың өзгелермен тең дәрежеде қалыптасуына септігін тигізеді.
ҚУАНЫШ ТӨЛЕПОВ, «AMANAT» ПАРТИЯСЫ АЛМАТЫ ҚАЛАЛЫҚ ФИЛИАЛЫ ТӨРАҒАСЫНЫҢ ОРЫНБАСАРЫ:
Негізігі мақсатымыз – қоғамда инклюзиялық орта қалыптастыру, сонымен қатар, балалардың спорттық өнерін насихаттау арқылы денсаулықтарын жақсарту және олардың өз бетінше спортпен шұғылдануына жағдай жасау және балалар арасындағы достықты нығайту болып табылады.
