Ақтөбелік тұрғын коммуналдық қызметкермін деген жанға сеніп, алданып қалды. Ол өз аяғымен үш банкке барып, жеті миллион теңгені солардың шотына аударып жіберген. «Энергосистема» серіктестігінен қоңырау шалып тұрғанын айтқан алаяқ есептегішті ауыстыру үшін «1414» келетін кодты айтуды сұрайды. Артынша басқа адам хабарласып, өзін «банктің қауіпсіздік қызметі қызметкерімін» деп таныстырып, белгісіз біреулердің жаңағы код арқылы оның атына несие рәсімдегенін айтқан. Ол ақшаны қайтару үшін айтқанын бұлжытпай орындауды сұраған. Ер адам солардың талаптарын орындап үш бірдей банктен өз атына 7 миллион теңге рәсімдепті.
ЕРБОЛАТ САРҚҰЛОВ, ОБЛЫСТЫҚ ПОЛИЦИЯ ДЕПАРТАМЕНТІ БАСПАСӨЗ ҚЫЗМЕТІНІҢ ЖЕТЕКШІСІ:
Осы дерек бойынша қазіргі таңда полиция департаментімен қылмыстық іс қозғалып, алаяқтық фактісі бойынша күдікті азаматтарды анықтап, оларды ұстауға бағытталған іс -шаралар жүргізілуде.
