Алматыда Түрксіб ауданындағы көпқабатты үй аулаларының бірінде әйелдің мәйіті табылды. Куәгерлердің айтуынша, мүрде ала дорбаға салынған. Бұл жағдай жұрттың зәре құтын қашырды. Тұрғындар әбден қорқып қалған.
ЕРНАТ БАГАЕВ, ҚАЛА ТҰРҒЫНЫ:
Көршілер ала пакеттің 1 апта бойы осы жерде жатқанын күнде көріп жүрген. Алғашында Біз мұны тазалыққа жауапты Люба тәте қалдырды деп ойладық. Себебі ол тазалайтын заттарын сөмкеге салып, қалдырып кететін. Бірақ кеше Люба тәтенің өзі келіп пакетті ашқанда белгілі болғандай адам денесі болып шықты.
Полиция департаменті бұған қатысты қылмыстық іс қозғады. Тергеп-тексеру барысында мәйіттің әйелдікі екені анықталды. Өзге ақпараттар жария етуге жатпайды.
