Астанада лифтте әйелге шабуыл жасалды – оқиға бақылау камерасына түсіп қалған. Бұған қатысты полицияның баспасөз қызметі мәлімет берді, деп хабарлайды KAZ.NUR.KZ.
Видео Telegram-дағы ZTB_Qazaqstan арнасында жарияланған. Автор оқиғаның Sport City тұрғын үй кешенінде болғанын хабарлады. Кадрларда қолына пышаққа ұқсас зат ұстаған ер адамның әйелді кабинканың бұрышына тақап алғаны көрсетіледі. Екінші қолымен ер адам жәбірленушінің монйынан ұстап алған. Бір мезетте әйел адам кабинка ашылған бойда лифттен арқасымен шығып үлгерген.
"Қорқыту дерегі бойынша қылмыстық іс қозғалды. Полиция қызметкерлері ер адамды анықтап, ұстады. Тергеу амалдары жүріп жатыр", - деп хабарлады полиция.
