«Беташар дәстүрі – әлемдік құндылық!». Осындай атаумен Әл-Фараби атындағы Қазақ Ұлттық университетінде жастар дауысы акциясы өтті. Танымдық шараға Қытай, Ауғанстан, Бангладеш, Араб елдерінің жастары қатысты. Акция ұлттық құндылықтарды әлемдік деңгейде насихаттауға бағытталған.
ОРЫНТАЙ ОШАНОВА, ӘЛ-ФАРАБИ АТЫНДАҒЫ ҚАЗҰУ ЖУРНАЛИСТИКА ФАКУЛЬТЕТІНІҢ КАФЕДРА МЕҢГЕРУШІСІ:
Біздің Беташар салтымыз ЮНЕСКО-ның материалдық емес құндылықтар тізіміне енді деген сүйінші хабар жетті. Қазақ ұлтының ғасырдан ғасырға жасап келе жатқан құндылықтарымыздың әлемдік деңгейде бағаланып, насихатталуы біз үшін үлкен бақыт деп ойлаймыз. Сондықтан біздің жастар осы дәстүрді одан әрі насихаттауға, ұлттық табиғатымызды танытуға үн қосып жатыр.
