«Ертіс» футбол клубы команданың бас бапкері Николай Гавриш кетуге шешім қабылдағанын мәлімдеді, деп хабарлады Pavlodarnews.kz.
– Бас бапкер командадан өз еркімен кетті. Николай Гавриш Қазақстан Премьер-Лигасының командасынан ұсыныс алды және ол қызметін басқа клубта жалғастырады, - деп атап өтті клуб өкілдері.
Николай Гавриш 23 маусымда команданың бұрынғы жаттықтырушысы Сергей Якушин командадан кету туралы шешім қабылдағаннан кейін «Ертістің» бас бапкері болып тағайындалды. Бұл Екінші лиганың тоғызыншы турында «Елімай Ж»-дан күтпеген жеңілістен кейін болды.
Жаңа бапкердің басшылығымен «Ертіс» 13 матч жеңіліссіз ойнады. Осы уақыт ішінде "ақ-көктер" Павлодарда «Шахтер Ж» командасына қарсы матчта тең ойнап, бір-ақ рет ұпай жоғалтты. Нәтижесінде команда Екінші лиганың Солтүстік-Шығыс конференциясында бірінші орын алып, Бірінші лигаға жолдама алды.
Маман Қарағандыдан келген еді, ол өзінің туған командасы "Шахтер", сондай-ақ Теміртаудың «Болат» командасының ойыншысы ретінде ойнады. Амплуасы қорғаушы.
Ойындық мансабын аяқтағаннан кейін "Шахтер U-17", "Елімай" және "Жальгирис" командаларында бас бапкердің көмекшісі болды. Оның жұмыс істеген уақытында литвалық клуб ел чемпионы және кубогының иегері атанды. "Ертіске" дейін ол "Екібастұз" ФК бас бапкерінің көмекшісі болды.
