Алматы — Өскемен тасжолының 938-шақырымында қолайсыз ауа райы салдарынан жол-көлік оқиғасы тіркелді, деп хабарлайды Polisia.kz.
Желдің қатты екпіні Mercedes-Benz Atego жүк көлігінің тіркемесін аударып жіберген.
«Оқиға орнына дереу полиция мен шұғыл қызмет өкілдері жетті. Алдын ала мәліметтер бойынша оқиғаның басты себебі — қолайсыз ауа райы», - делінген хабарламада.
Құтқару жұмыстары жүргізіліп, көлік қозғалысының қауіпсіздігі қамтамасыз етілді. Мамандар жүргізушілерді ауа райының өзгерістеріне мұқият болып, әсіресе, қатты жел мен көктайғақ кезінде сақтық шараларын қатаң сақтауға шақырады.
