Ашыққаннан құныққан жаман. Талдықорғанда туысының үйін бір емес, екі рет тонаған ұры ұсталды. 35 жастағы азамат алдымен танысының әбден сеніміне кірген. Кейін үй иесі Алматыға қонаққа кеткен сәтті пайдаланып, бос тұрған пәтерге кірген. Осылайша ол Cartier брендінен алтын әшекейлер мен құнды күзен қалпақты қалтасына басқан. Сосын алтын бұйымдарды ломбардқа өткізіп, жәбірленушіге 810 мың теңге көлемінде шығын келтірген. Күдікті бұл әрекетін материалдық қиындықтарға байланысты жасағанын айтады. Қазір ол қамауға алынды.
