Жұмыссыздықты азайту, жастарды жұмысқа орналастыру «AMANAT» партиясының игі мақсаттарының бірі. Осы тұрғыда «Жастарға жұмыс» жобасы сәтті жүзеге асып отыр.
«Жастар Рухы» жастар қанатының мұрындық болуымен Тобыл өңірінде бірнеше рет жәрмеңке ұйымдастырылды. Оған қырықтан астам жергілікті кәсіпорындар мен зауыттар, мемлекеттік мекеме өкілдері атсалысты. Екі жүзден астам жас маман жұмыс іздеп келген көрінеді. Кейін олардың көбі жеке білім беру орталықтары мен зауыттарға, мемлекеттік қызметке орналасқан. Соңғы жәрмеңкенің өзінде 20 адам екі қолға бір күрек тауып, өзі қалаған жұмысқа барған.
АРУЖАН СӘРСЕНБАЕВА, «ЖАСТАР РУХЫ» ЖАСТАР ҚАНАТЫ ҚОСТАНАЙ ОБЛЫСТЫҚ ФИЛИАЛЫНЫҢ ТӨРАҒАСЫ:
2023 жылы өткізілген жәрмеңке бойынша 10 адам жұмысқа орналасты. Осы жылы бізде жұмыс берушілер саны көбейді және де жұмысқа орналасқандар саны да көбейді.Ол ары қарай жүзеге асырылатын болады.Және де жастарға өзінің жемісін беретініне біз сенімдіміз.
