Белгілі әнші Еркін Мәулен көпшілік алдына өзгеріп кеткен образда шығып, елді таңғалдырды. Өнер иесін желі қолданушылары ғана емес, жұлдызды әріптестері де танымай қалған.
Сахнадан көптен бері көрінбей кеткен әншінің видеосын белгілі продюсер Алтынбек Рахметов Instagram-дағы парақшасында бөлісті. Онда Еркін Мәуленнің образын түбегейлі өзгертіп тастағанын көруге болады. Өнер иесі шашын алып, сақал өсірген.
«Еркін Мәуленді таныдыңыздар ма?! Қандай әндері әлі есіңізде», - деп жазды Рахметов.
Желі қолданушылары өзгеріп кеткен Еркін Мәуленді танымай қалған.
«Маржан Арапбаевамен дуэт орындайтын», «Шашын алып, сақал қойыпты. Мүлдем танымастай өзгеріп кетіпті», «Сіз жазбасаңыз танымас едім», «Керемет әнші еді, дінге бет бұрған ба?!», «Гүл сезім» деген әні керемет еді», «Жоқ болып кеткен еді, жарқ етіп шықты ғой», «Баян Мақсатқызы танымай қалғасын, бізден несін сұрайды», - деп жазды көпшілік.
