Елімізде 90 мыңға жуық полиция қызметкері бар. Олар ел тыныштығы үшін күні-түні саптан табылып, сәт сайын қауіп-қатермен бетпе-бет келеді. Қыс түссе қызметтері қыза түседі. Ақ түтек боран, көк тайғаққа қарамай тас жолдарды күзетіп, азаматтарды құтқарады. Ел үшін еңбек етіп жүрген жандар туралы тілшіміз айтады.
Жұртқа жаққан полицей Бекжан Елеусізовтің жұмысы таңғы жетіде басталады. Қызметтік қаруын, видеожетоның алып республикалық маңызы бар тас жолдаға кезекшілікке шығады. Жол бойында көмек керек болған жолаушыларға көмектесіп, 12 сағат бойы қызмет етеді. Осылай көптің алғысын алып жүргеніне 10 жылдан асқан.
БЕКЖАН ЕЛЕУСІЗОВ, ОБЛЫСТЫҚ ПД ПАТРУЛЬДІК ПОЛИЦИЯ РОТАСЫНЫҢ АҒА ҚЫЗМЕТ ИНСПЕКТОРЫ:
Қазіргі таңда жол-көлік оқиғасын болдыртпау мақсатында әрбір көлікті тоқтатып, түсіндірме жұмыстарын жүргіземіз.
Биыл Бекжан өзінің әріптесімен боранды күні далада қалған 68 тәжік азаматын құтқарды. Бұзылған автобусың ішінде сексеннен асқан қария, бір жасқа толмаған балалар да болған.
БЕКЖАН ЕЛЕУСІЗОВ, ОБЛЫСТЫҚ ПД ПАТРУЛЬДІК ПОЛИЦИЯ РОТАСЫНЫҢ АҒА ҚЫЗМЕТ ИНСПЕКТОРЫ:
Сол жаңағы әжемді көтеріп автобустан машинаға салып жатырмыз сонда әже «Сынок я не должна умереть, я должна сына увидеть» дейді. Ұлы Ресей Федерациясына жұмысқа кетіп, сол жақта ауырып қалған екен. Әже баласымен қоштасуға бара жатыр екен.
Бекжан Елеусізов пен әріптесінің бұл ерлігі еленбей қалмады. Екеуі де «Жауынгерлік ерлігі үшін» медальімен награтталды.
Бекжанның қол ұшы тиген оқиға бұл ғана емес. Талай жығылған жанның жанына табылып, жедел көмек көрсеткен.
АРТУР ОРАЗҒАЛИЕВ, ОБЛЫСТЫҚ ПД ПАТРУЛЬДІК ПОЛИЦИЯ РОТАСЫНЫҢ ВЗВОД КОМАНДИРІ:
Менің әріптесім полиция капитаны Бекжан Елеусізовпен көп жылдан бері жұмыс істеп келемін. Өз қызметін адал атқаратын жан. Күнделікті өмірде де өте азамат жігіт. Әрдайым көмектесуге дайын тұрады. Жұмыста белсенді, жауапкершілігі мол адам.
Бекжан қызметте ғана емес, қоғамдық өмірде де белсенді. Әріптестері оны «Сегіз қырлы, бір сырлы» жігіт дейді. Бос уақытында ән салғанды жақсы көреді. Тіпті байқауларға қатысып, жүлделі орын алған.
Тұрғындардың діттеген жеріне қауіпсіз жетіп, түнде тыныш ұйықтап, күндіз көшеде алаңсыз жүруі осы полиция қызметкерлерінің адал еңбегінің арқасы.
