Қызылордада жаңа туған нәресте медициналық процедура барысында күйіп қалды. Оқиға облыстық Ана мен бала орталығында орын алған. Айгерім Әбілтаеваның айтуынша, бірнеше күн бұрын келінінің қан қысымы көтеріліп, Жаңақорған ауданынан облыс орталығына жеткізілген. Қалада дереу ота жасалып, бала кувезге жатқызылған. Содан бері анасына шақалақты көру мүмкін болмапты. Арада бірнеше күн өткенде жақындары баланың өкшесі қатты күйіп, іріңдеп кеткенін білдік дейді. Нәресте өкшесінен қан талдаруын алу кезінде спиртке күйіп қалған екен. Олар «дәрігерлер жансақтау бөлімінде жатқан шақалақтың жарақаты асқынғанша бейқам отырды» деп ашулы. Оның болашағына да алаңдаулы.
Масқара ғой. Гангрена мынау сары. Инфекция түскен ғой мынаған уже. Масқара. Мынаны қара 10 күндік баланы қалай қинап тастаған. Инфекция түскен мынаған.
Дәрігерлер баланың өте ауыр жағдайда туғанын айтады. Ал орын алған оқиғаға байланысты қызметтік тексеріс жүргізілетінін жеткізді. Қазір баланың жағдайы тұрақты дейді.
ЛӘЙЛӘ ХАЙДАРОВА, ОБЛЫСТЫҚ ПЕРИНАТАЛДЫҚ ОРТАЛЫҚТЫҢ БӨЛІМ БАСШЫСЫ:
Ол жерге консервативті ем жасалып жатыр. Мазьдары жағылып, хирургпен көрілді, консультация алынды. Динамикада баланың жағдайы жақсарумен. Медициналық әрбір монипульяция қателік болуы мүмкін. Асқынулар болуы мүмкін. Ол жағдайды өзіміз іс шара қолданып әріқарай тексерулер болады.
