Биыл елімізге келген шетелдіктер саны екі есе артты. Әсіресе, туристердің Алматыға қызығушылығы жоғары. Таудың етегіндегі қала табиғи, мәдени және заманауи көрікті жерлерімен саяхатшылардың назарын аударады. Биыл жыл басынан бері шаһарды шарлағандар саны 1 миллион 700 мыңнан асқан.
Табиғатымен тамсандырып, талай туристерді таңдай қақтыратын Алматының туризмі биыл 14,2%-ға артып, 2миллионға жуық қонақ қабылдаған. Туристік ағынның өсуімен қатар негізгі капиталға инвестиция да артты. Соңғы 11 айда 92 миллиард теңге тартылып, өсім 12 пайызға жеткен.
МАҚПАЛ ӘБДІҚАДЫР, ҚАЛАЛЫҚ ТУРИЗМ БАСҚАРМАСЫ ТАЛДАУ ЖӘНЕ СТРАТЕГИЯЛЫҚ ЖОСПАРЛАУ БӨЛІМІНІҢ БАСШЫСЫ:
2024 жылдың 3 тоқсанының қорытындысына сәйкес Алматы қаласын келген жалпы туристердің саны 1миллион 700мыңнан асты. Яғни былтырғы жылмен салыстырғанда 14 пайызға жоғары. Ал шетелдік туристердің саны 24 пайызға артып 507 мың адамды құрады. Ішкі туристер санына тоқталатын болсақ 10,6% ға артып, 1,2 млн адамды құрады.
Қалаға қыдырып келгендердің көшінде Ресей, Үндістан мен Қытай елдерінің саяхатшылары тұр. Алматыда 365 қонақ үй мен хостел, сондай - ақ 5000-нан астам кафе мен мейрамхана жұмыс істейді. Туристерге барлық жағдай жасалған.
БЛИЦ-САУАЛНАМА:
- Біз мұнда достарымызбен келдік. Келгенімізге 3 күн болды. Табиғаты, тамақтары мен ұлттық киімдерін бірінші рет көрген соң қызықтап жүрміз.
- Үндістаннан келген студенттер мен туристер мұнда өте көп екен. Ерекше ұнағаны адамдардың барлығы сыпайы. Таулары өте биік, Көңілімізден шығуда.
ЖОМАРТ ТҮЗЕЛБАЙ, ТІЛШІ:
Алматының әсем табиғаты туристерді ерекше қызықтырады. Сондықтан туризмнің тынысын кеңейтіп, туристер үшін қолайлы жағдай жасау жалғасады. Алдағы екі жылда қаладағы қонақ үйлерде бөлме санын 1 жарым есе ұлғайту көзделген.Ал саланы дамытуға жергілікті бюджеттен келер жылға да қомақты қаражат қаралып отыр.
