Биыл елімізде 496 200 адам жұмыспен қамтылды. Оның 300 мыңнан астамы еңбекке тұрақты түрде араласқан. Қазір халықты жұмыспен қамтуда түрлі мемлекеттік бағдарламалар мен жобалар бар. Мәселен «Бастау Бизнес» жобасы бойынша 57 500 адам кәсіпкерлік негіздеріне оқытылды. Оның 36 600-і оқуды аяқтап, сертификаттар алды. Сондай-ақ қызмет саласын таңдау мақсатында 202 400 адам әлеуметтік кәсіптік бағдарлаудан өтті. Ал жаңа бизнес-бастамаларды іске асыру үшін жыл басынан бері халықтың әлеуметтік осал санаттарына 1 476 800 теңге көлемінде 8 941 грант берілді. Еңбек нарығында сұранысқа ие мамандықтар бойынша 55 200 тұрғын онлайн оқытылса, оның 50 100-і оқуды аяқтаған.
БЛИЦ-САУАЛНАМА:
- Еңбек етемін деген адамға жұмыс әркез табылады. Жұмыс көп ғой.
- Жұмыс істеймін деген адамға, тем более Астанада жұмыс жетіп жатыр. Жастар енді бәрі емес, бар ғой, жалқау көбісі. Бір, екі дипломы бар, сол мамандықпен жұмыс істейтіндер аз.
- Жұмыс істегісі келетін адамдарға жұмыс табылады деп ойлаймын. Бастысы өзі ниеттенсе болды. Приложениелерді ашатын болсаңыз, көп ғой требуется деген.
496 200 адам жұмыспен қамтылды
«Бастау Бизнес» жобасы - 57 500 адам
Сертификат алды - 36 600 адам
Әлеуметтік кәсіптік бағдарлау - 202 400 адам
Бизнеске грант - 8 941 (1 476 800 теңге)
Онлайн оқыту - 55 200 адам
Аяқтады - 50 100 адам
