Қонаев қаласындағы Президент шыршасы «Қош келдің, Жаңа жыл!» деп аталды. Жыл сайын өңірлерде дәстүрлі түрде өтетін іс-шараға аз қамтылған, көпбалалы отбасыдан шыққан, спорт пен шығармашылықта жетістікке жеткен дарынды оқушылар қатысты. Озат білім алушылар театрландырылған түрлі би қойылымдарын көрсетіп, мерекелік әндер шырқады. Бүлдіршіндер Ұлу жылын қосыла шығарып салып, Жылан жылын қарсы алу рәсімін өткізді.
САЛТАНАТ БЕСПАЕВА, ОБЛЫСТЫҚ БІЛІМ БАСҚАРМАСЫНЫҢ БАСШЫСЫ:
Алматы облысындағы 9 аудан, екі қаладан келген 200 баламыз ел президентінің президенттік шыршаға бүгін Қонаев қаласына келіп отыр. Балаларымыз өте риза. Бүгінгі жаңа жыл мерекесінде президент атынан бүгін 200 балаға сыйлықтар, жекелеген сыйлықтар берілді. Және сонымен қоса, ерекше қойылым қойылып жатыр. Бүгінгі біздің мақсатымыз негізгі – балаларға жаңа жыл қарсаңында үлкен жақсы көңіл күй, бір жаңа жылдық ертегі сыйлау.
Шараға облыс әкімі Марат Сұлтанғазиев қатысып, әр ауданнан келген үлгілі балақайларға 120 мың теңгелік сертификат пен сыйлықтар табыстады. Президенттік шыршаның мақсаты – мерекелік концерт өткізу арқылы жеткіншектер арасында бірлік пен достықты қалыптастыру.
ГҮЛСІМ ИМАНБЕКОВА, АЛАТАУ ҚАЛАСЫ БІЛІМ БӨЛІМІНІҢ БАС МАМАНЫ:
Бұл президенттік шырша болғаннан кейін қала бойынша, жалпы Алатау қаласынан 6 бала келді. + Президенттік шыршаға біздер жетім, ата-ана қамқорлығынсыз қалған отбасылардан және әртүрлі олимпиадалардың жеңімпаздары, халықаралық конкурстардың жеңімпаздарын алып келдік. Осы балаларды қатыстырып әрі көрсін деген мақсатпенен. Жалпы балалардың көңіл күйі тамаша, балаларға ұнап жатыр.
