Қостанайда пиротехника бұйымдарын заңсыз сатқандарға қомақты айыппұл салынды.Қауіптің алдын алу мақсатында рейдтік шараны полицейлер мен төтенше жағдайлар департаментінің қызметкерлері жүргізіп жатыр. «Пиротехника» операциясы басталғалы 60 рейд өткен. Арнайы топ сауда орындары мен базарларды тексеруде.Іс-шараға 150-ден астам полиция мен 30 төтенше жағдайлар департаментінің қызметкері атсалысып жатыр.Облыс көлемінде 38 жағдай анықталып, әр түрлі пиротехникалық бұйымдары бар 32 қорап тәркіленді. Полицейлер пиротехникалық өнімдерді тек мамандандырылған дүкендерде немесе стационарлық павильондарда сатып алу керек екенін еске салады. Және сатушыдан тауардың сертификаты мен жарамдылық мерзімін сұрау қажет дейді. Операция 2025 жылдың 3 қаңтарына дейін жалғасады.
ӘДІЛ ЖҮСІПБЕК, ОБЛЫСТЫҚ ПД АЗАМАТТЫҚ ЖӘНЕ ҚЫЗМЕТТІК ҚАРУ АЙНАЛЫМЫН БАҚЫЛАУ ТОБЫНЫҢ ИНСПЕКТОРЫ:
Іс-шара басталғаннан бері пиротехника заңсыз саудасының 38 жағдайы анықталды. Жалпы соммасы 1 млн 661 мың теңге көлемінде айыппұл арқалады.Облыс орталығында "Складской" базарында полицейлер мерзімі өткен пиротехникалық өнімдерді саудалаған жергілікті тұрғынды анықтады.
