Соңғы 3 жылда елімізде жануарлар арасындағы аса қауіпті аурулардың 900-ден астам ошағы тіркелген. «Ресми статистика осындай болғанымен, іс жүзінде жағдай бұдан да ауыр болуы мүмкін»,- дейді мамандар. Олар мал шаруашылығы өнімдерінің сауда объектілеріне жету кезеңдері тиісті түрде бақыланбайтынын айтады. Бас прокуратураның тексерісінің нәтижесінде ет өнімдерінің 5 мың жалған құжаты анықталды.
БАУЫРЖАН МҰҚАШЕВ, ҚР БАС ПРОКУРАТУРАСЫ ҚОҒАМДЫҚ МҮДДЕЛЕРДІ ҚОРҒАУ ҚЫЗМЕТІНІҢ АҒА ПРОКУРОРЫ:
Адами және сыбайлас жемқорлық факторларының әсерін барынша азайта отырып, ел ішінде ветеринариялық объектілердің қозғалысын бақылауды күшейту қажет. Сондай-ақ, аурудың өршуін болжаудың және ветеринариялық іс-шараларды жоспарлаудың автоматтандырылған жүйесін енгізу ұсынылады.
