Атырауда арбаға таңылған азамат соңғы бес жылдан бері полицейлермен бірге жол қозғалысы қауіпсіздігін сақтауға көмектесіп келеді. Есболат Балабаевты облыс полицейлері жылдың үздің волонтеры атады.
Есболаттың өзі осыдан он бес жыл бұрын көлік апатына ұшырап, мүгедектер арбасына отыруға мәжбүр болды.. Бірнеше жыл бойы қоғамнан тыс қалып, үй мен аурухана арасында ғана жол салыпты. Ұзақ уақыт оңалту жолынан өтіп, өзін қолға алып, спортқа бет бұрғаннан бері өмірінің кілт өзгергенін айтады. Полицейлермен бірге жолға шығып, бір сәттік қателіктен өмірін астан-кестен етпеуі үшін жүргізушілерге ескерту айтамын ,-дейді төрт баланың әкесі. Ерікті ретінде жол апатынан соң ем алып жатқан зардап шегушілерге де рух беріп, қолдау көрсетеді. Өзімен тағдырлас жандардың спортпен шұғылданып, салауатты өмір салтын ұстануына жол сілтеп жүр.
ЕСБОЛАТ БАЛАБАЕВ, ҚАЛА ТҰРҒЫНЫ:
Мүмкіндігі шектеулі адамдар үйіне шықпай қалады. Соларға барып мотивация береміз, ортаға алып шығамыз, өмірлерін өзгертуге тырысамыз. Қоғамға әкеліп,, арбаға отыруды білмейді, спорттың қай жерде екенін білмейді. Базарға барып киіну керек екенін білмейді. Оның бәрін біреу әкеліп беру керек. Соған үйреніп қалады. Ешқандай өзгеріс жоқ. Шынын айтқанда 200-300-дей адамның өмірін өзгерттік десек болады.
