Еліміздің медицина саласында оң өзгеріс бар. Пациенттерге көрсетілетін қызмет түрі көбейіп, консультациялық-диагностикалық көмек көлемі артты. Көрсеткіш былтырмен салыстырғанда бірнеше пайызға өскен. Отандық медицинада тағы қандай қуанышты жаңалықтар бар. Тілші сюжетінде.
Биылғы Жолдауында Мемлекет басшысы назарды медицина саласының цифрландыруына аударды."Көп ақпараттық базалар мен бағдарламаларды бір арнаға тоғыстырып, біріңғай мемлекеттік медициналық ақпарат жүйесін жасау керек", - деді Президент. Себебі тұрғындар үшін кейбір медициналық көмек әлі де қолжетімсіз.
ҚАСЫМ-ЖОМАРТ ТОҚАЕВ, ҚАЗАҚСТАН РЕСПУБЛИКАСЫНЫҢ ПРЕЗИДЕНТІ:
Бюджеттің мүмкіндігі мен міндеттемесін ескере отырып, мемлекет кепілдік беретін медициналық көмектің бірыңғай базалық топтамасын жасау қажет. Ал, одан асып кеткен шығынның бәрі сақтандыру жүйесі арқылы төленуі тиіс. Цифрландыру болмаса, мұндай ауқымды өзгерістерді сәтті жүзеге асыру мүмкін емес.
Осы ретте әлеуметтік медициналық сақтандыру жүйесіндегі қаржыландыру қолжетімділігін, дұрыс пайдалану, мониторинг жүргізу мақсатында арнайы «ақпараттық жүйе» енгізіледі. Кесте құрылады, осы арқылы азаматтар бұрынғыдай кезекте тұрмайды, медициналық қызметке онлайн түрде жазыла алады.
ЕРБОЛ ОСПАНОВ, ҚР ДЕНСАУЛЫҚ САҚТАУ ВИЦЕ-МИНИСТРІ:
Бүгінгі таңда медициналық қызметкерлердің уақытының басым бөлігі уақыты комьютермен жұмыс істеуге кетіп жатыр. Оны шектетіп, қысқартып тиімді ақпараттық жүйе жасап беру. Үшінші мына көрсетіліп жатқан қызметті МӘМС жүйесінде, мемлекеттік қызметтен төленіп жатқан қаражатқа байланысты соны тиімді пайдалану.
Қазір елімізде 277 мың медицина қызметкері жұмыс істейді. Оның 80 мыңға жуығы – дәрігер. Олардың саны мен беделін арттыру үшін мелекеттік қолдау күшейтілді. Сондай-ақ ауылдық жерде кадр тапшылығын жою мақсатында, жас мамандар тартылуда. Енді оларға арнайы үстемақы төленеді.
ТИМУР СҰЛТАНҒАЗИЕВ, ҚР ДЕНСАУЛЫҚ САҚТАУ БІРІНШІ ВИЦЕ-МИНИСТРІ:
Мысалы, ауылдық жерге кемінде 5 жыл жұмыс істеуге келген жас дәрігерге бір мезгілде 100 ЕТЖ, яғни 8,5 млн теңге төлену керек; «Дипломмен ауылға!»; жаңа орынға қоныс аударушылар үшін тұрғын үй құнының 50%-ы мөлшерінде қаржылық көмек алуға құқығы бар экономикалық ұтқырлық сертификаты және «Жастар практикасы» жобасы шеңберінде жас мамандарға жалақыдан тыс қосымша үстемақы белгілеу.
Қазір медицина саласы қарқынды даму үстінде. Бұған тұрғындар да риза
БЛИЦ-САУАЛНАМА:
- Стоматология өте жоғары деңгейде дамыған. Сондай-ақ анам қатерлі ісікке шалдыққан болатын. Дәрігерлердің арқасында құлан таза айықты
- Медицина жылдам дамып келеді.Оған біз қуаныштымыз
- Әйелім мен кішкентай балам педиатр көмегіне жиі жүгінеді. Оларға барлығы ұнайды. Педиатрымыз бізді қашанда жіті бақылауда ұстайды.
Елімізде неше түрлі тың операциялар жасалуда. Жұрт бұрынғыдай шет асып ем іздемей, дертіне дауаны елден тауып жүр. Жыл басынан туа бітті жүрек ақауы бар балаларға 1708 ашық жүрекке операция жасалды. Аса ауыр жағдайларда бүлдіршіндердің өмірін сақтап қалу үшін Қазақстанда телемедициналық технологиялар мен медициналық авиация жүзеге асырылуда.
ТАЛҒАТ ЕРМЕКОВ, ҚР ПІБ МЕДИЦИНАЛЫҚ ОРТАЛЫҒЫ АУРУХАНАСЫНЫҢ НЕЙРОХИРУРГЫ:
Бұл Ремибот роботы траекторияларды бақылап, 8 электродты қауіпсіз орнатуға көмектесті. Біз қазірдің өзінде құрылымдық тактикалық жақтауды пайдаланып екі операция жасадық. Бұл пациенттер үшін өте жақсы. Өйткені қан кетудің болмауы үшін барлық тамырларды айналып өту үшін әртүрлі бағытта 8 электрод бар.
Сондай-ақ жыл басынан бері нейрохирург мамандар 250-ден астам адамға күрделі операция жасап аяғынан тік тұрғызды. Ми мен жұлынға, нерв жүйелеріндегі қатерлі ісік пен омыртқаға күрделі операцияларды сәтті жасап жүр. Әрі өте сирек әдісті қолданады. Сондай-ақ, мамандар инновациялық технологияның озық үлгілерін еркін меңгерген. Тіпті бұған дейін жұлын ішіне біткен ісікті де еш қиындықсыз сылып тастаған.
