2025 жыл Жұмысшы мамандықтарының жылы деп жарияланды. Президент бүгін жарлыққа қол қойды. Мұндай шешімді Президент қыркүйектегі Жолдауында мәлімдеген болатын. «Осы уақыт ішінде техникалық және кәсіби білім беру жүйесін реформалау қажет. Әрі біз жұмысшы мамандықтарын дәріптеу арқылы қоғамда еңбекқор және нағыз маман болу идеясын насихаттаймыз», – деді Мемлекет басшысы. Келер жылы әрбір сала бойынша арнайы марапаттар мен құрметті атақтар беру жоспарланып отыр. Ең бастысы еңбек адамдары әрқашанда құрметке бөленеді.
