Алматы әуежайында 20 жылдан бері кәсіп істеп, нәпақа тауып жүргендер шу шығарды. Тұтынушылардан осы күнге дейін ешқандай шағым түспесе де әуежай басшылығы қысым көрсетуде дейді. Кәсіпкерлер себепсіз орнымызды босатуға қарсымыз деп отыр.
Даудың басы халықаралық Алматы әуежайындағы жаңа терминалға кәсіпкерлерді ауыстырмағаннан басталған. Басшылыққа бағынбағандардың бірі - Айжан Бектібаева. Алматы әуежайы кәсіпкерлерінің төрағасы билік өкілдеріне 4 петиция мен 100 - ден астам хабарлама жолдаған. Алайда әділдікке қол жеткіземін деген сайын қысым көріп жатырмын дейді.
АЙЖАН БЕКТІБАЕВА, АЛМАТЫ ӘУЕЖАЙЫ КӘСІПКЕРЛЕРІНІҢ ТӨРАҒАСЫ:
Қылмыстық іс жалған қозғалып отыр. Өзімде 1 жыл ішінде бұрын-соңды болмаған қысымға тап болдым. Әр шағым жасаған сайын отбасымды қинай бастады. Күйеу баламның үстінен қылмыстық іс қозғалды. Әкемнің бүкіл мүлкін тәркілеп алды. Одан бөлек кәсіпкерлікті қорғаудаудағы ұстанымымды әлсірету мақсатында бүкіл туыстарымның мүлкі тартып алынды.
Шағымданып отырған 30-дан астам жеке кәсіпкерлердің қол астында 200- ге жуық жұмысшы бар. Әр қайсысының кәсібі әртүрлі. Бірі асханамен айналысса, енді бірі кәдесый сатады. Қанша жылдан бері жұмыс істесек те мұндай қысымға алғаш рет тап болып отырғандарын айтып, әділдік сұрауда.
АЛМАГҮЛ АЛИЕВА, КӘСІПКЕР:
Өзімнің жеке кәсібімді жүргізіп 20 жыл болған екен. Осы 20 жылдың ішінде тып тыныш өмір сүргенбіз. Ко Корпарейшн компаниясы келгеннен кейін бізге осылай нешетүрлі қысымдар көрсетіле бастады. 1-ші келісімшарт су менен келісімшарт, электро энергияменен олар бұзды. Енді соны өшіреміз суды ағытамыз деп қорқытады.
Кәсіпкерлердің басты талабы әуежай ішіне әділдікті орнауы. Мән-жайдың анық-қанығын білу үшін Әуежайға хабарластық. Ресми хат та жолдадық. Бұл мәселе біздің назарымызда болады.
