2024 жылы жаңа туған сәбилерге қойылған танымал есімдердің тізімі өзгеріске ұшырады, деп хабарлайды Azattyq Rýhy Ұлттық статистика бюросына сілтеме жасап.
2024 жылы ұл балалар арасында танымал есімдер тізімінен Нұрислам есімі енбеді. Соңғы 10 жыл бойы (2014 жылдан бері) бірінші орында тұрған Әлихан есімін Мұхаммед есімі ығыстырып, көш бастады.
Ұлдарға ең жиі қойылған ТОП-10 есім:
Мұхаммед
Айсұлтан
Әлихан
Мұхаммад
Омар
Әлидар
Әмір
Алан
Әли
Хамза
Қыз балалар арасында ТОП-10 тізіміне Мәриям есімі кіріп, Әмина есімін ығыстырды.
Қыздарға ең жиі қойылған ТОП-10 есім:
Айлин
Медина
Асылым
Айша
Томирис
Аяла
Айым
Раяна
София
Мәриям
Ұлттық статистика бюросы «Танымал есімдер» онлайн-сервисінің функционалын кеңейтті. Енді пайдаланушылар жаңа туған нәрестелерге ең жиі немесе сирек қойылған есімдер туралы толық әрі әртүрлі ақпарат ала алады.
«Сервистің функционалын кеңейту арқылы пайдаланушылар есімдерге қатысты трендтерді тереңірек зерттеп, Қазақстандағы мәдени ерекшеліктерді талдай алады. Бюро ақпарат сапасын арттыру және қызметтерді жетілдіру бойынша жұмыстарды жалғастырады», — делінген хабарламада.
