Бәйтерек ауданының полицейлері қарға батып қалған көлікте далада тұрып қалған зейнеткерді аман-есен тауып алды, деп хабарлайды Мой город сайты.
БҚО Полиция департаментінің баспасөз қызметінің мәліметінше, 76 жастағы ер адам Трехино ауылынан Новенький ауылына қарай бет алған. Алайда ол уақытында үйіне оралмаған соң, алаңдаған туыстары полициядан көмек сұраған.
«Жоғалған зейнеткерді іздеуге аудандық полиция бөлімінің барлық жеке құрамы жұмылдырылды. Жедел-іздестіру шараларының нәтижесінде далада қарға батып қалған көлік және оның ішінде ер адам табылды. Зейнеткер дала жолымен жүруге тырысып, қарға тұрып қалғаны анықталды. Сонымен қатар, оның байланысқа шығатын ұялы телефоны болмаған. Полицейлер көлікті қардан шығарып, қажетті көмек көрсетті», – деп хабарлады ведомствоның баспасөз қызметі.
Зейнеткер үйіне полицейлердің сүйемелдеуімен оралды.
