Келер жылы адамдар рухани медицинаға бет бұрады. Астролог мамандар осылай дейді. Медицинадан бөлек технология одан әрі қарыштай түспек. Жаңа жылдың символы болып табылатын жылан туралы біз не білеміз? Астролог мамандар жұлдыз жорамалдарына қандай кеңес береді тілші материалында.
АЙДАНА ҚАЙРАТ, ТІЛШІ:
Менің қолымдағы бұл питон жолбарыс типтес болып саналады. Енді мен жыланды қолымда алғаш рет осылай ұстауым. Бірақ шынымды айтсам анау айтқандай қорқынышты емес. Бірақ мен жыланға ұнап қалған сияқытымын. Оның жасы 8-де. Есімі Валентина. Жалпы питондар айына бір рет қоректенеді. Көбінесе қоян немесе тышқан болып табылады. Бірі біліп, бірі білмес жабайы табиғатты болсын жыландар ешқашан бірінші болып адамға шабуыл жасамайды. Егер андаусызда басып кетсеңіз әрине сізге қарсы шабуыл жасауы мүмкін.
Жылан парасаттылық пен тыныштықтың символы болып табылады. Қазір қоғамда арамдық пен қулықтың, екінші жағынан ақылдылық, білімділік, өлместің мәңгі белгісі ретінде есептеліп келеді. Әрине ерекше күтімді де талап етеді. Жыланның кез келген түрі әлем бойынша сұраныстан түспей келеді. Оларды үй жағдайында да асырайтындар көп. Жаңа жыл қарсаңында оларға сұраныс тіптен көбейген.
САНИЯ ЕСҚАЛИЕВА, ГЕРПЕТОЛОГ:
Ең танымал жолбарыс типтес және корольдік питондар болып табылады. Қазір олармен түрлі фотосессиялар жасау сәнге айналды. Сондай-ақ түрлі ойын-сауық орталықтары жыланды сатып ала алмаса да жалға алуға тырысады. Бишілер де питондармен түрлі өнер көрсетеді. 2025 жылы жылан жылы болғандықтан сұраныс артып жатыр, корпоративтерге де жиі сұрап жатыр
Осы ретте туындайтын сұрақ. Жылан жылы қандай болмақ? Егер сіздің жұлдыз жорамалыңыз егіздер,шаян, торпақ, бикеш немесе таразы болса жылан жылы сіздерге үлкен табыс әкеледі дейді – астролог Майя Бесім. Қалған белгідегілер біраз еңбектенуі қажет. Сондай-ақ, бұл жыл - хоббиді табыс көзіне айналдыру үшін таптырмас мүмкіндік.
МАЙЯ БЕСІМ, АСТРОЛОГ:
Келер жылы Уран планетасы егіздерге 7 жылға ауысады. Бұл дегеніміз білім беру жүйесінде айтарлықтай өзгерістер орын алатынның білдіреді. Электронды сабақтар пайда болуы мүмкін. Сондай-ақ электромобильдер көбейеді. Кәсібі бар адмдарға айтатыным онлайн сауданы қазірден қолға алған дұрыс. Заман ағымына сәйкес адамдар уақыт үнемдегенді тиімді санайды. 2025 жылы толықтай онлайн саудаға аысы әбден мүмкін
Шығыс елдері жыланды аса төзімді, мінезі сабырлы бауырымен жорғалаушы деп ерекше бағалайды. Келер жылы мамандар осы қасиеттерді серік қылған абзалырақ деп кеңес береді.
