31 желтоқсан күні 22-20 да Астана телеарнасында «Астана түні» атты жаңа жылдық шығарылым болады. Позитивке толы, жарқын жұлдыздардың қатысуымен өтетін кеш көпшілікке көтеріңкі көңіл күй сыйлайды. Жаңа жыл алдындағы мерекелік шығарылым тосын сыйларға толы болмақ. Жаһанға жария болып, желіні жарған жұлдыздар жиналып, көрерменнің көңілінен шығу үшін қызу дайындық үстінде.
"МУЗАРТ LIFE" ТОБЫ
Жаңа жылдық вайб, керемет көңіл күй. Біздің енді шыққанына көп болған жоқ “Қызғанам” деген әнімізді орындадық. Бұйырса 31-і күні тамашалайсыздар.
Жаңа жылдық шығарылымнан қалың жұртқа өнерлерін паш етіп жүрген Jazzdauren, бар қазақтың рухын оятқан Абырой тобы, Мәдина Сәдуақасова, Мұзарт лайф, Көк жигули деп жырлаған Гүлмира Ізбазханды көре аласыздар.
АЙГЕРІМ ДОСЫМ, БАҒДАРЛАМАНЫҢ ШЕФ-РЕДАКТОРЫ:
Биыл трендте болған ерекше дүниелерді ұсынғымыз келді. Өйткені қазір бәріңіз білесіздер қазір әлеуметтік желінің заманы. Инстаграмда, тиктокта халықтың талқысына түскен мәселелер, халықтың талқысына түскен трендтерді біз көрермен назарына ерекше форматпен ұсынғымыз келді. Желтоқсан күні біз халыққа ерекше бір әнін сыйлап жүрген, халықтың ықыласына бөленіп жүрген әншіні туған күнімен құттықтаймыз. 50 жылдығымен құттықтаймыз. Бұл біздің көрерменге арнаған кішкене тосынсыйымыз болады. Сондықтан да көріңіздер.
