Өскемен қаласындағы Қазақстан көшесінде көпқабатты тұрғын үйдің жетінші қабатындағы пәтердің балконында өрт болды, деп хабарлайды El.kz ақпарат агенттігі.
Оқиға орнына жеткен өрт сөндірушілер жедел әрекет етіп, баспалдақ маршымен 7 тұрғынды, оның ішінде 2 баланы эвакуациялады. Өрт 4 шаршы метр аумақта өшірілді. Зардап шеккендер жоқ.
ТЖМ азаматтарды өрт қауіпсіздігі ережелерін қатаң сақтауға және қауіпті жағдайларды болдырмауға шақырады.
